185005, Karjalan Tasavalta, Petroskoi, katu Totuus, 28A; e-mail: freekarelia@list.ru

Varten rahoittajatuki: Meidän pankki - ja yhteystiedomme: Osoite: 185001, Karjalan Tasavalta, Petroskoi, ul. Kutuzova 53 A;
INN: 1001049385, KPP: 100101001, OGRN: 1051002816700, OKVED: 91.33,Selvitystili: 40703978200120000001 (Euro)
OAO Baltiiski bank (Petroskoi), kirjanvaihtajan tili: 30101810000000000752, BIK: 048602752.

home
Russian (CIS)KarelianEnglish (United Kingdom)Deutsch (DE-CH-AT)Finnish (Suomi)Svenska (Sverige)Norsk bokmål (Norway)Danish(DK)Icelandic(IS)

 

”Välly Karjal”- Alovehen Yhteiskunnallizen Järjestön Gerbu

Gerban piäpaikal ispanimuodoine suorukaidehine suojusvehkeh, alahalpäi pyöryžättävy da ruskiel väril ymbäröitty.

Tämä väri simvoliziiruiččou Karjalan Rahvahan voinil kuadunuzien verdu da sidä paiči on kirjonduvehkehien piävärinny.

Suojusvehkehen pindu on valgiedu värii, kudai on puhtahuon da oigevuksen merkinny. Piäelementannu on seizojan emäkondien sivukuva.

Emäkondien mustu väri simvoliziiruiččou ilmanigästy viizahuttu da pahoin hengien hävittämisty. Suojusvehkehen yläpuoles sijaiččou Soulu-skandinavizen runon merki, kudai merkiččou Voittuo.

Tämä kuva on ruskiedu värii, kudai täs simvoliziiruiččou Karjalan Rahvahan puolistamistu. Värien valličus on sivoksis Karjalan Tazavallan muantiedehellizien, rahvahallizien da etnografizien eričyksienke:

"Oksien kuldazienke
Osmo-lagevuksen agjal
Kuudam läimäy ladvas
Emäkondii oksal istuu..."
(Kalevala-eposan runorivi livvikse kiännetynny).

Kondiedu Karjalazet kunnivoittih enämbi mittustugi tostu elättii. Rahvahanrunohuos "mezikämmenele" on annettu yksi piäpaikois. Kondiele omistettuu lugusarjua käytettih mečästyksen aigua muinas-aigazennu "kondien pruazniekannu". Äijät kondien vestoskuvat da neoliittizet kremnies luajitut kaglučomendukset, kudamis myös oli kuvattu kondii, oldih löytty Katjalan eri piirilöis. Kondiedu piettih ezmäi totemizennu, jällespäi jumaloičuksellizennu elätinny. Ylähyöllizen seizojan emäkondien kuva on ozutettu geraldizien perindölöin mugah da merkiččöy yhtevytty ristikanzanke, hänen ylivoimua, da ližäkse kiändäy mielen naizen viizahuoh da genderutaza-arvoh - kaikii nämmii ominazuksii kogo ijän kunnivoitettih kai Skandinavilazet da muut pohjazet eläjät.

Suuren Emäkondien muvvostai tiähtijoukko (seiččie tiähtie) oli merkitty rippumattoman Uhtuan Tazavallan lippuh (vv. 1918-1922).

Gerban ylähäzes puoles on ozutettu skandinavine Soulu-runon merki, Voiton merki, kudai andau vägie da tuou lykkyy. Tädä runuo puaksumbi toizii oldih käytetty kirjondas, enne kaikkie muinazien mečästäjien da kalastajien sovis. Soulu-runon kuvuamizes on sol'arine simvolumerkičys - läimäi tulenisku, tiähti, tulenandai, päiväine. Sendäh Soulu-runon merkii pietäh astralizennu, suuren väin, lujan tervehyön, eloksenenergien, hyvän ozan da elvyttämizen merkinny.

Gerban suojusvehkehen pidäjät- grafizesti ozutetut kuuzi da pedäi, kuduat ollah samal aigua Runollizinnu piktogrammoinnu, Teivaz-runoloin da Algiz-runoloin ozinnu da ozutetah monipuolistu menestysty da hyviä vägie. Moizii puuloin merkilöi sežo puaksuh käytettih karjalazes kirjondas (poimindas), da paiči eseettizii funksieloi niilöis nägyy ammuzien aigoin muailmanellendämisty, konzu ylen kunnivoitettih havvupuuloi.

Ruskei da mustu ollah Karjalan Rahvahan perindöllizet värit. Juuri sendäh "Välly Karjal"- Alovehen Yhteiskunnallizen Järjestön Gerban piävärilöikse oldih vallittu mainitut värit.